கோதுமை பணியாரம்

அஸ்ஸலாமு அலைக்கும் (வரஹ்)

அனைவருக்கும் ஸலாம் சொல்லிக்கொள்கிறேன். நாம் இன்று எளிய முறையில் பணியாரம் செய்வது என்பதை பார்ப்போம்.

கோதுமையில் செய்யும் இந்த பணியாரம் ரொம்ப சுவையாக இருக்கும்.

தேவையான பொருட்கள்:

கோதுமை 2 கப்
முட்டை 1
தேங்காய் பால்
சீனி (இனிப்புக்கு ஏற்றமாதிரி)
ஏலக்காய்பொடி சிறிது 1/2 ஸ்பூன்
சோடா உப்பு சிறிதளவு
உப்பு தேவையான அளவு

தேங்காயை நன்றாக துருவி தேங்காய்ப்பால் எடுத்து வைத்துக்கொள்ள வேண்டும்.

கோதுமை மாவில் முட்டை, தேங்காய்ப்பால், சீனி, ஏலக்காய்பொடி, சோடா உப்பு, உப்பு சேர்த்து தண்ணீர்விட்டு நன்றாக பிசைந்து வைத்துக் கொள்ளவேண்டும். மாவு நன்றாக பதமாக இருக்கவேண்டும்.

பின்னர், வாணலியில் கடாயில் எண்ணைவிட்டு மாவை வடைக்கு தட்டுவதுபோல தட்டி பொறித்து எடுக்க வேண்டும்.

இப்போது அருமையான சுவைமிக்க கோதுமை பணியாரம் ரெடி.

நண்பர்களே!! நீங்களும் வீட்டில் எளிமையான கோதுமை பணியாரம் செய்து சாப்பிடுங்கள்.

படத்தை மேனகா அக்கா பதிவிலிருந்து சுட்டது.

உங்கள் மின்மினி.

,